Feto Minor idade iha FRENTE ARMADA(FALINTIL) Funu(Ledo) naruk nebe involve ema hotu husi Loro sae to loro monu, husi tasi feto to tasi mane, husi Jaco to Oecusse, ho ita belun sira husi nasaun seluk. Funu naruk husik hela istoria moruk ho midar iha ema ida-idak nia isin ho klamar, hanesan mos inan feton Leno Timur.
Indonesia hahu halo okupasaun, Lena Timur ho nia pae Ernesto Goncalves mos sae ba rejisti iha ai laran. Tempu neba Leno Timur nia pae nudar FALINTIL è komandante ida mos.
Tama ba idade 8 anos, Leno Timur komesa aprende sobu, hamos kilat, ho mos asumi ona knar hanesan FALINTIL tuir nia idade.
Iha tinan 1986, Leno nia pae mate iha Ainaro. Tamba kona tiru husi TNI, wain hira sai ba buka hahan.
Leno Timur hare ho matan rasik, TNI sira tula nia pae nia mate isin tara iha aviaun lori ba vila. Leno Timur hetan presaun psikis nebe todan, halo nia la han besik semana ida nia laran.
Maun Xanana, maun Mauhunu, ho mau Bere Malai Laka istuda la tama. Sira sempre bolu Leno Timur mai kanta hodi haksolok sira. Iha loron ida M. Xanana bolu Lena hodi hatete ba nia: Hau istuda la tama Milena. Milena hatan ba: maun hakarak fuma ga? Leno Timur sai ba foti subar nia pae, nia tabaku lori fo ba maun Xanana fuma.
Momentu difisil balu iha ai laran, StafetA ida fila an ba hamutuk ho TNI è nia mos lori TNI mai asalta abrigu FALINTIL nebe, maka Leno Timor sira hela ba.
Durante Leno Timur rejisti iha ai laran hetan tiru dala rua husi TNI. Wain hira Leno Timur kona tiru ba dala rua, maun Tara maka tula Leno ba nia kabas hodi rekua.
Ihan tinan 1991 leno Timur hetan capturacaon husi TNI......HARE VIDEO 1.
0 Comments